DoMaLaYs

بسم الله الرحمن الرحيم بصراحه انا عارف اني اتاخرت اوي في الكتابة في المدونة بس اسباب غصب عني و الله و انا اشكر كل اللي سأل عليا و انا غايب بجد بشكرة من كل قلبي , لانكم حسستوني اني متنستش و لسه في الاذهان على العموم انا قعدت افكر اكتب في ايه في ايه قلت النهارده اكتب في كله و ابقى بتاع كله نبدأ بقى اولاً : المولد النبوي الشريف و تزامنه مع عيد الام بصراحه في حاجات كتير في مصر الواحد مكانش حسسها او عارفها يوم الخميس , و ده يوم المولد النبوي الشريف لاعظم انسان اتخلق سيدنا محمد ( صلى الله عليه و سلم ) , و الجميل في اليوم ده او اللي زاده جمال , اني كنت في اسكندرية و لزيادة الدقه في بيت جدتي صدقوني مش قادر اوصفلكم قد ايه كان الاحتفال جميل بالمولد النبوي من عرايس الولد اينعم طعمها وحش بس شكلها حلو مع انه لون واحد , و لون مبحبوش بس بجد من اولاد خالاتي و بناتهم اللي مسكوها انا نفسي مسكت واحده بس الفرحه بجد كان ليها طعم معشتوش قبل كده خاااااااااااالص و الاجمل ان اليوم اللي بعده كان عيد لاجمل انسانه هتشوفها طول ما انت عايش , و هي ماما و كل سنة و انتي طيبه يا مامتي و بعوده الايام بس بجد كانوا يومين اخر جمال و اللي زودهم اني اول مرة اعيشهم في البيت و مع الكبار و احس اني دخلت موود الراجل الموزون الكبير , الرسمي بمعنى اصح بس بجد يومين بعيد تالت في السنة دي ثانياً : الطقس و تقلبات ما بين الشتاء و الصيف بصراحه , الجو اتقلب بطريقه وحشه اوي , و بزياده اوي اوي ربنا ما يوريكم حر اسيوط الرائع اللي يحسسك انك في عطارد و لا الشمس اللي كانها في الشارع اللي ورانا , ده انا بقيت شبه دينزل واشنطن بسببها و فوق كده و كده الصيف اللي حضرته جاي شهر مارس امال هنعمل ايه في شهر سبتمبر هنعمل ايه ؟ لا و الزياده فوق ده و ده , مفيش اجازات يعني هتشوي هنا حلو اوي ثالثاً : الدراسه و تعقيدها في التيرم الحالي بصراحه مش عارف اقول ايه , بس التيرم ده لسه مفتحتش فيه حاجه بس كل ما اجي اذاكر , الاقي حاجه تشغلني و كاني مستني حاجه اتعلق بيها بس لأ , لاوم اذاكر , بس محدش عنده حاجه تحببك في المذاكرة , حتى لو حاجه بسيطه يمكن تجيب فايده معايا رابعاً : الحياة لها ابتسامه بطعم خاص و جمل يا جماعه مش هقول غير اني صححت شوية حاجات غلط بس صدقوني الحاجات دي حتى لو صغيرة هتحس بالفرق لما تسيبها يعني اقولكم على حاجه , انا مسكت غرفتي و ظبطتها و روقتها تمام حسيت براحه نفسيه كبيرة و الاهم من كل اللي فات الصلاة يا جماعه , و الله هتحس ان في حاجه جميلة بتعملها في حياتك و هيبقى ليك عين و انت بتدعي لربنا او مستني منه حاجه بجد صلح في نفسك الحاجات اللي انت شايفها غلط حتى لو كانت تافهه و هتلاقي الحياة بقت جميله خامساً : الرياضه شويه بقى بصراحه في قضايا رياضيه كتيييييير اليومين دول بس الخصها في كام راي على السريع اراجونيس , تحذير شديد اللهجة ليك , اذا راؤول جونزاليس مرجعش للمنتخب انا مش هقدر اسيب تشجيع الماتادورز للاسف لاني بحبهم اوي بس هدعي عليك حتى و انت ماشي , يا حضري , انت هتفضل كبير في عيني و صدقني في ناس متأثرتش بموضوعك , و انت لسه السد العالي كفايه انك رجعتلنا تاني , بس ليك حق انك عايز تضمن مستقبلك بولتون واندرز و الماكبايس , مش متخيل الدوري الانجليزي من غيركم , ارجوكم حاولوا تحاربوا شبح الهبوط بكل الاشكال بس ابقوا في الدوري علشان خاطري فيدرير , انا فرحان فيك لان كنت بحس انك مغرور , و انت يا نادال , مش عارف ليه حظك وحش يا ابني بس ان شاء الله ربنا يكرمك انت و فيش اللي شكله ليه مستقبل في التنس سادساً و اخيراً : الموسيقى الموسيقى حاجه جميله بس بجد في كلمات تخليك تفرح و تتبسط اوي و في كلام يحسسك بالالم بجد و يمكن تخليك تدمع بس انا حالياً معلق على اغنية my immortal بتاعت evansence او amy lee بمعنى اصح بس بجد رغم انها عندي بقالها سنه , بس بجد الاغنية دي جميله و مؤثرة جداً These wounds won't seem to heal This pain is just too real There's just too much that time cannot erase When you cried I'd wipe away all of your tears When you'd scream I'd fight away all of your fears And I held your hand through all of these years But you still have All of me

كلام يحسسك بمدى الحب و العشق بجد

و ده هو ختام البوست ده , ارجو ان يكون عجبكم

و ما يكونش تقيل او رذل

بس ان شاء الله البوست الجاي هيبقى محترم و كويس اوي

و شكراً لحسن استماعكم

مـــصـــــــر و التـــــــــــــــاريـــــخ

بسم الله الرحمن الرحيم

مصر بها 2/3 من اثار العالم

مصر بها اكبر معابد العالم و الكثير من المقابر الاثريه

مصر تتميز بطقس رائع ممطر شتاء و دافئ صيفاً

مصر لها موقع جغرافي متميز

مصر تستقبل ملايين السائحين كل عام

يا فرحتي بكل اللي فات

انت كمواطن مصري ايه رايك في استغلالنا للاثار ؟

يا جماعه انا نفسي اعرف حاجه لما عندنا 2/3 من اثار العالم و شواطئ جذابه

و جو جميل مش موجود في معظم اوروبا المتلجه

يبقى ليه احنا لسه دولة درجه تانيه ؟ , ليه بنقول احنا فقراء

يا جماعه ده فرنسا طايرة ببرج ايفيل و الهند بتاج محل

اموت و اعرف احنا في الحالة المادية دي ازاي ؟ , او بلدنا بالمنظر ده ازاي ؟

انا من اسكندريه و شفت طبعاً مكتبة اسكندريه اللي كانت مكتبه

صدقوني دلوقتي انا مش طايق ابصلها بقت كانها مبنى اتحرق قبل كده ( اللي هي المفروض من معالم مصر ) مش كده و لا ايه

سيبك من كل اللي فات ده

تاريخنا ( و نحط الف علامة استفهام ) وواحده زاده كمان

احنا على فكرة مش معروفين اوي في العالم

انا السنة اللي فاتت ركبت قطر و كان فرنسي درجه اولى , انتم عارفين اني سخي

المهم كان جنبي واحد من دولة اوروبيه اسمها لاتفيا يمكن حد سمع عنها

المهم سألته عن سيرة مصر في اوروبا قالي ان مش كتير بيعرفوها

و اللي يعرفها للاسف عارفين ان ناسها عايزين الفلوس و خلاص و كله عايز ياخد فلوس خلاص

و حكالي موقف غريب , راح عند الهرم و ركب جمل و دفع للراجل 50 جنيه

لحد هنا ممكن يكون عادي , بعد ما خلص , الراجل قاله عايز منه فلوس علشان ينزله

و الا مش هينزله ( ايه رايكم ) ازاي يزورنا تاني ؟

ده بخصوص الطريقه الهمجية بتاعتنا في استقبال السياح

كــــــــــــــــــــــــــــــــــل ده في كفة

و مجدنا اللي ضايع و اللي بيضيع في كفة تانيه

هاتلي اي طفل تجاوز ال 12 عام ميعرفش الطب الصيني بالابر السينيه

هاتلي اي واحد ميعرفش الهند و العلاجات الطبيعية و اللي هناك

لكن هاتلي بقى حد يعرف مصر من غير دراسه او دخل من سيربح المليون

و فوق كده و كده , شارع الهرم عندنا اشهر من الهرم نفسه

يا جماعه احنا عندنا علم و تراث دول تانيه تتمنى ربعه

انتم شايفين فرنسا عامله ايه باللوفر و لا بريطانيا بمناخير ابو الهول

طيب احكم انت

ابو الهول كان زمان جنبة فرع من النيل , و كان ثابت و زي الفل

دلوقتي بيقولك المياة الجوفية هتوقعه في غضون كام سنة تخيل الاهرامات من غيرة

و شويه شويه هرم هرم ورا الاخر لحد ما سقارة نفسه هيقع

يا جماعه حرام و الله اللي بنعمله

لازم نفوق لنفسنا شويه

و نعرف ان احنا عندنا تراث كبيييييييييييير و مشرف

ممكن اذا انتبهناله ينقلنا لمستوى اعلى بكتييييييييييييير من اللي احنا فيه

يا ريت يا جماعه نفوق لنفسنا

و نعرف قيمتنا

و شكراً لحسن استماعكم

تاج من الجميله من ايمي

لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟

بلد كان ليها سيط بس في ازمه حاليه , و فيها مشاكل داخليه كتير

مأثره على سيطها الخارجي

و هي العاقله الوحيده في وسط العرب

لوكنت أوروبي أو غير مسلم هتبقي إيه نظرتك للعرب والمسلمين؟

للعرب , انهم همج و مش فاهمين حاجه بس بس فيهم الكرم و الشجاعه

اما المسلمين , فهما ناس متدينين

بس بعقلانيه اكتر من الهندوس و البوذيين

و ده لانهم ليهم معالم و ااثار

و شنه و رنه زمان

لوقالولك إنت بقيت رئيس جمهورية هتعمل إيه؟

هعمل زي ظاظا

لوسمح لك برؤية الرسول عليه الصلاة والسلام وإنك تقوله كلمة واحدة ؟

افتقدتك

لو كنا في عصر ازدهار الأندلس كنت تتخيل نفسك إزاي؟

مهراجا

و فلوس و جواري

و يلا بينا يلا

لو طلعت القمر هتكتب عليه ايه؟

و الله و عملوها الرجاله

لو مررت التاج لحد وماجاوبش هتعمل ايه؟

هو الجاني على نفسه

تمرر التاج لمين

ل

الاستاذ

مش قادرة

سمكه

سما

بنوته

روزا

اتفضل خد حسنات

قال رسول الله صلى الله عليه وسلم واله وصحبه اجمعين 'من صلى علي في يوم ألف صلاة لم يمت حتى يبشر بالجنة 'وقال صلى الله عليه وآله وسلم:- 'من صلى علي في يوم مائة مرة قضى الله له مائة حاجة :سبعين منها لآخرته وثلاثين منها لدنياه 'وقال صلى الله عليه وآله وسلم:- 'من صلى على حين يصبح عشرا وحين يمسى عشرا أدركته شفاعتي يوم القيامة' وقال صلى الله عليه وآله وسلم :- 'من صلى علي واحدة صلى الله عليه عشر صلوات وحط عنه عشر خطيئات ورفع له عشر درجات 'وقال صلى الله عليه وآلهوسلم:- 'ما من أحد يسلم علي إلا رد الله علي روحي حتى أرد عليه السلام 'وقال صلى الله عليه وآله وسلم:- 'إن أولىالناس بي يوم القيامة أكثرهم علي صلاة' إنشرها ولك الأجر بإذن الله تعالىإذا ضاقت بك الدنيا فلا تقل: يارب عندي هم كبير .... ولكن قل:يا هم لي رب كبيــــــــــر قل الكلمات الحلوة هذي اللهم صلي على محمد وعلى آل محمدكما صليت على إبراهيم وعلى آل إبراهيم إنك حميد مجيدوبارك على محمد وعلى آل محمد كما باركت على إبراهيم وعلى آل إبراهيم انك حميد مجيدأرسل هذه الرسالة لـ 10 أشخاص خلال ساعة تكون كسبت 10 ملايين صلاة على الحبيب في صحيفتك بإذن الله ملحوظة مهمة لا يلعب الشيطان في راسك وتقراها وتقفلها وتقول أنا ما عندي وقت أرسلها لأي احد عندك ....تكسب أجرها أحسن لكقال رسول الله صلى الله عليه وسلم : يأتيزمان علي أمتي يحبون خمس وينسون خمس ... يحبون الدنيا وينسون الآخرة يحبون المال وينسون الحساب يحبون المخلوقوينسون الخالق يحبون القصور وينسون القبور يحبون المعصيةوينسون التوبة فإن كان الأمر كذلك ابتلاهم الله بالغلاء والوباء والموت الفجأة وجور الحكام

ليه عمر خيرت مش زي بيتهوفن ؟

بسم الله الرحمن الرحيم

موضوعي النهاردة

مهم بالنسبة ليا جداً , و كمان علشان انا من عشاق عمر خيرت

الموسيقار فوق الرائع

ليه هو مش في شهرة بيتهوفن ؟

هل لانه عربي ؟

و لا ايه بالظبط

انا لما اسأل ناس حتى من دول عربية

مش عرفاه خااااااااااااالص

طيب , ليه واحد زيه ميبقاش في شهرة بيتهوفن

كفاية انك بتعرف موسيقاه من اي موسيقى تانيه

على العموم

العرب او احنا المصريين اساساً

هنضيع اذا فضلنا كده

يعني الدول اللي معندعاش مواهب

بتجنس ناس من برة

فما بالك احنا عندنا المواهب

يمكن طلعت من الموضوع

بس اذا العالم مش مدينا الفرصة علشان نظهر

يبقى احنا كمان نزودها كمان ؟

لا المفروض , اننا نفرض نفسنا بمواهبنا على العالم بقى

يعني مطربة زي ام كلثوم

مين يعرفها غيرنا ؟

في حين ان الجامايكي بوب مارلي العالم كله لسه فاكره

فعاً في حجر علينا

لكن لازم نكسره بتقدمنا شوية

لازم نظهر قدام العالم

ده حتى الطب قديم

اللي محافظين عليه

الصين طبعاً

و الهند

احنا بنضيع نفسنا بايدينا

معلش دوشتكم معايا , بس بجد حاجه تغيظ

و شكراً لكم

تاااااااجات من مش قادرة هانم

امممممم دي تاجات من الاخت اللي تعباني بتاجاتها مش قادرة ههههه ربنا يديكي الصحة و تديني تاجات نبدأ

..................................... امتى قلت لنفسك يا ارض انشقى وابلعينى ؟؟بصراحة لما اخدت التاجات دي كلها ***مين هو مثلك الاعلى ؟ سيدنا محمد و كمان سيدنا عثمان و بابا ربنا يولي عمرة و راؤول جونزاليس كمان هتلر **هل انت راضي عن نفسك و عن حياتك و عن شغلك ( أو دراستك )؟؟ امم , الحمد لله راضي . ***ايه هو احسن مسلسل كرتونى بتحبه ؟؟توم اند جيري ، بينك بنثر , باجس باني. *****ايه هو احلى خبر سمعته وايه أسوء خبر ؟؟ احلى خبر , لما ماما او بابا يرضى عني بعد ما يكونو زعلانين اوحش خبر , اذا زعلوا مني بقى . *****بتحب السفر؟؟ ليه ؟؟ايوا , لاستكشاف العاااااااالم .*****أيه أكبر مشكلة قابلتك فى حياتك وازاى اتصرفت فيها ؟؟لما استلمت التاج , اهو عمال اجاوب***يا ترى أحسن صدفه حصلت في حياتك ؟؟حصلت , بس خاصة شوية *******اية هى الامنية اللى نفسك تحققها ؟؟اني ادخل الجنة. *****بتثق فى اصحابك قد اية ؟؟اللي انا بحبهم بجد 100 %.********خانك صديق قبل كده ؟؟كتير بصراحة بس للاسف بسامحهم بسرعة ********عملت معاة اية ؟؟انا محبش اضايق حد , بس اخ حاجه اسيبه خاالص . ****كرهت حد كنت تعرفه قبل كده ؟؟طبعاً من شخصيات معروفة لمعارف و غيرهم. ************موقف عملته و حسيت أنك ندل فيه ؟؟مفييييييش *****ايه أكتر يوم بتحبه فى أيام الاسبوع ؟؟ وليه ؟؟الخميس باحس انه اجازة ****ايه أكتر حاجه بتعجبك فى شخصيتك ؟؟ وايه اكتر حاجه بتكرهها ؟؟الطيبة , القلق**************ايه اكتر شعب بيعجبك ؟؟ واكتر شعب مش بيعجبك ؟؟الياباني , في ولائه و تعاونه الامريكي , في سلوكياته ****اكترحاجة بتحبها فى حياتك عامة ؟؟الصلاة *****واكتر حاجة بتكرها ؟؟المرض .*******وايه المكان اللى بتحب تروحه على طول لما تكون زهقان؟؟قلب امي .******ايه هى رياضتك المفضلة؟؟السلة . ******أيه هي نظرتك للدنيا؟؟عالم وجدت فيه و لازم اعيشة كما هو بس اذا قدرت اغيرة للاحسن يبقى كويس " .*******أيه أكتر اغنية بتحبها وبتهديها لمين ؟ وحشتيني ( عمرو دياب ) لحد تاني يا غايب لفضل شاكر ( لبابا و ماما و اخواتي ).****التاج دا هتمرره لمينلاي حد عاوزة***************************************** أمتي أول مرة قلبك اتحرك ناحية بنت (للولاد), او ولد (للبنات)؟؟, السنة دي , و ان شاء الله معاها على طووووووول.*********************امتي أول مرة تشوف اثنين بيحبوا بعض, و قلت هو ده الحب بجد؟قيس و ليلى. ******كام واحدة حبيتها في حياتك ( للولاد ), و كام واحد حبتيه في حياتك ( للبنات ), و القصد حب مش شرط بجد؟ 1 ماما و واحدة تانية لحد دلوقتي طبعاً و على طول ******كام شخص منهم كان نفسك تكمل معاه حياتك؟2******************طيب و امتي عرفت مين حبيته بجد و مين لأ؟من اول ما شفته ( من النظرة الاولى ). ****ايه مقاييس الحب الحقيقي بالنسبه ليك/ليكي؟اممم صدق المشاعر . *****هل الحب بيدوم علي طول؟طبعاً ******في نظرك, يعني ايه اتنين بيحبوا بعض بس مش بجد؟معرفة و ليس صداقه*******للمتزوجين فقط؟انت لسة بتحب مراتك؟ طيب فاكر واحدة من اللي قبلها ولا خلاص؟مش تبعي************ايه مفهوم الغيرة عندك؟الخوف على من تحب من ان يضيع منك لم تكن الغيرة لتمنع الخير عن من تحب *****ايه مواصفات البنت/الولد(للبنات) اللي انت نفسك تكمل حياتك معاها؟يا رب تبقى متدينة و طيبة و يا ريت لو فوق كده جميلة*******هل الحب حرام؟, اذا تجاوز حدود الدين *********صف نفسك كمحب في كلمه او جمله صغيرةمعاك معاك********************************************* التاجات لمين؟؟ لاي حد عايزة

خبر وحش جداً بجد

هو خبر عن ضحايا اعصار بنجلاديش اللي راح ضحيته 1100 شخص http://news.yahoo.com/s/ap/20071116/ap_on_re_as/bangladesh_cyclone معلش مش لاقي وقت اترجمة بس بجد خبر سيء ربنا يرحمهم ان شاء الله المهم ان ربنا باعد الشر عن مصر و حافظها بس بجد تخيل انك واحد من دول فجأة لقيت ملك الموت بيزورك هيكون ايه شعورك فعلاً لازم نتذكر ان الموت ممكن ييجي في اي لحظه و ربنا يغفرلنا اجمعين