بسم الله الرحمن الرحيم
موضوعي النهاردة
مهم بالنسبة ليا جداً , و كمان علشان انا من عشاق عمر خيرت
الموسيقار فوق الرائع
ليه هو مش في شهرة بيتهوفن ؟
هل لانه عربي ؟
و لا ايه بالظبط
انا لما اسأل ناس حتى من دول عربية
مش عرفاه خااااااااااااالص
طيب , ليه واحد زيه ميبقاش في شهرة بيتهوفن
كفاية انك بتعرف موسيقاه من اي موسيقى تانيه
على العموم
العرب او احنا المصريين اساساً
هنضيع اذا فضلنا كده
يعني الدول اللي معندعاش مواهب
بتجنس ناس من برة
فما بالك احنا عندنا المواهب
يمكن طلعت من الموضوع
بس اذا العالم مش مدينا الفرصة علشان نظهر
يبقى احنا كمان نزودها كمان ؟
لا المفروض , اننا نفرض نفسنا بمواهبنا على العالم بقى
يعني مطربة زي ام كلثوم
مين يعرفها غيرنا ؟
في حين ان الجامايكي بوب مارلي العالم كله لسه فاكره
فعاً في حجر علينا
لكن لازم نكسره بتقدمنا شوية
لازم نظهر قدام العالم
ده حتى الطب قديم
اللي محافظين عليه
الصين طبعاً
و الهند
احنا بنضيع نفسنا بايدينا
معلش دوشتكم معايا , بس بجد حاجه تغيظ
و شكراً لكم
14 comments:
موضوع حلو
لكن عندى تعقيب
فى ناس اجانب يعرفو ام كلثوم لكن كبار فى السن ومش كتير
عمر خيرت معروف جدا فى مصر وسهل تمييز الحانه
احنا عندنا عقد الخواجة ..نستود مبنعرفش نصدر
لا فن ولا اى حاجة
سلام
البنت الشلبية
اولاً شكراً عى تعليقك الجميل
و الاول تقريباً
فعلاً عمر خيرت سهل تمييز الحانه
لانه مميز بيها
و عن ام كلثوم
قليل جدا من المسنين هما اللي يعرفوها
بس هنا ممكن تبقى اللغة عائق
مع ان الاسبان و المكسيك برضه مشهورين
صح و لا لأ ؟
لكن بيتهوفن
اه قديم و كل الناس عرفاه
حتى الاطفال
فعلا احنا بنستورد و مبنصدرش
شكراً ليكي
هو موضوع محير طبعا
بس لو جيت تبص لاهتمامنا احنا نفسنا بالشخصيات دى هتعرف ليه غيرنا مش عارف حاجه عنهم
المشكلة مش فى ان احنا مش عارفينه ...لا بالعكس ..فى ناس كتيرة يعرفوا عمر خيرت ..ام كلثوم ..عبد الحليم ..وحتى عبد المطلب
بس مشكلتنا فعلا زى ما قالت البنت الشلبية ...هى اننا عندنا عقدة الخواجة ...بنحب نعرف اللى مش عندنا
وعلى فكرة ...مش هانعرف نخلص من العقدة دى مهما عملنا
تحياتى ليك ولزوقك العالى فى اختيار الموسيقى اللى تتسمع فعلا
:)
لان الدعاية اللى بيعمولها الغرب تكون صحيحه ومدروسة
لكن أحنا العرب
نحب تكون هذه الدعايات بسيطه وتتداول مابينا
e7na
شكياً لتعليقك الاول
و فعلاً كلامك صح بجد
الاهتمام بالشخصيات دي بيه بيقى اكتي من هنا بكتيي
معلش ال r بايظه
اعين المحيط
كلامك صح ماشي
بس هل الشيق الاوسط بس ؟
اصل نفس الحاجه في اسيا و اللاتينيه
الدنيا
فعلاً كلامك صح
و ده سبب ليس بهين يجعل حالنا هكذا
شكياً لكشايكتك الجميلة
انت عندك حق لاكن دة كان الاول انا وانا بين اصحابى لوغنيت حاجة قديمة ممكن مش يعرفوها ولا حتى يعرفو بتاعت مين دلوقتى كلو شغال على الاجنبى اصل كل فن لة ناس يقدروة ومش مهم الاجانب يكونو بيحبوهم المهم العرب اهاليهم
رباب
البنت الشقيه
فعلاً اللي يسمع القدامى بتوعنا يبقى ذواق
بس ليه طيب الاجنبي ه اللي منتشر عندنا ؟
بس سيبك انتي
اا فرحان جداً باول مشاركه ليكي هنا
و اتمنى انها تتكرر كمان و كمان
يا انسه رباب
احنا فعلا هنفضل في القمع دة لطالما مش هنفرض نفسنا على العالم
استحالة يكون عدم اتخاذنا الخطوة دي عدم ثقة في انفسنا لكن هي مجرد كسل او تكاسل
موضوع حلو
تحياتي
سمكه
فعلاً كلامك مظبوط
و اتمنى ان احنى نخرج من القمع
و اتمنى انك تزوريني على طوول
و شكراً على مرورك الجميل
على فكرة الكلام ده صح بس المشكلة هي اننا عارفين ان ده اللي بيحصل وساكتين
مين فيكم يعرف الدكتور مشرفة
انا سايبلكم الرد
الاب الروحي
شكراً لاول مرور ليك
و يا ريت تزورني على طول
و مشرفه ده دكتور معروف طبعاً مش للدرجه دي يعني
Post a Comment