انت كمواطن مصري ايه رايك في استغلالنا للاثار ؟
يا جماعه انا نفسي اعرف حاجه لما عندنا 2/3 من اثار العالم و شواطئ جذابه
و جو جميل مش موجود في معظم اوروبا المتلجه
يبقى ليه احنا لسه دولة درجه تانيه ؟ , ليه بنقول احنا فقراء
يا جماعه ده فرنسا طايرة ببرج ايفيل و الهند بتاج محل
اموت و اعرف احنا في الحالة المادية دي ازاي ؟ , او بلدنا بالمنظر ده ازاي ؟
انا من اسكندريه و شفت طبعاً مكتبة اسكندريه اللي كانت مكتبه
صدقوني دلوقتي انا مش طايق ابصلها بقت كانها مبنى اتحرق قبل كده ( اللي هي المفروض من معالم مصر ) مش كده و لا ايه
سيبك من كل اللي فات ده
تاريخنا ( و نحط الف علامة استفهام ) وواحده زاده كمان
احنا على فكرة مش معروفين اوي في العالم
انا السنة اللي فاتت ركبت قطر و كان فرنسي درجه اولى , انتم عارفين اني سخي
المهم كان جنبي واحد من دولة اوروبيه اسمها لاتفيا يمكن حد سمع عنها
المهم سألته عن سيرة مصر في اوروبا قالي ان مش كتير بيعرفوها
و اللي يعرفها للاسف عارفين ان ناسها عايزين الفلوس و خلاص و كله عايز ياخد فلوس خلاص
و حكالي موقف غريب , راح عند الهرم و ركب جمل و دفع للراجل 50 جنيه
لحد هنا ممكن يكون عادي , بعد ما خلص , الراجل قاله عايز منه فلوس علشان ينزله
و الا مش هينزله ( ايه رايكم ) ازاي يزورنا تاني ؟
ده بخصوص الطريقه الهمجية بتاعتنا في استقبال السياح
كــــــــــــــــــــــــــــــــــل ده في كفة
و مجدنا اللي ضايع و اللي بيضيع في كفة تانيه
هاتلي اي طفل تجاوز ال 12 عام ميعرفش الطب الصيني بالابر السينيه
هاتلي اي واحد ميعرفش الهند و العلاجات الطبيعية و اللي هناك
لكن هاتلي بقى حد يعرف مصر من غير دراسه او دخل من سيربح المليون
و فوق كده و كده , شارع الهرم عندنا اشهر من الهرم نفسه
يا جماعه احنا عندنا علم و تراث دول تانيه تتمنى ربعه
انتم شايفين فرنسا عامله ايه باللوفر و لا بريطانيا بمناخير ابو الهول
طيب احكم انت
ابو الهول كان زمان جنبة فرع من النيل , و كان ثابت و زي الفل
دلوقتي بيقولك المياة الجوفية هتوقعه في غضون كام سنة تخيل الاهرامات من غيرة
و شويه شويه هرم هرم ورا الاخر لحد ما سقارة نفسه هيقع
يا جماعه حرام و الله اللي بنعمله
لازم نفوق لنفسنا شويه
و نعرف ان احنا عندنا تراث كبيييييييييييير و مشرف
ممكن اذا انتبهناله ينقلنا لمستوى اعلى بكتييييييييييييير من اللي احنا فيه
يا ريت يا جماعه نفوق لنفسنا
و نعرف قيمتنا
و شكراً لحسن استماعكم
31 comments:
والله انا كمان بشد في شعري زيك بالظبط
بشد في شعري علشان احنا بلد موارد طبيعيه وبندفع فلوس علي الموارد الطبيعيه بشد في عشري علشان مش عارفه دخل قناه السويس بيروح فين
احنا تقريبا عايشين علي فلوس بيع الاراض
اما باقي الفلوش في كر شالدوله اقصد خزنه الدوله
coca
اولاً فرحان لانك علقتي عندي
ثانياً مبسوط ان الموضوع عجبك
و كمان ان شعرك لسه سليم
بجد حاجه تغيظ
و كويس انك متغاظة انتي كمان
و ياريت تفوتي عليا
على طول و نتغاظ مع بعض
مدونتك جميلة جدا جدا
اهنيك علي امتلاكك لها
واحب اقولك اني برضة زميلك في منتدي الصيادلة انا برضة اولي صيدلة
اتمني ان تزورني في مدونتي المتواضعة
dr-online
انت اللي جميل يا دوكتور
اولاً انا فرحان بزيارتك لمدونتي
و لانها عجبتك
و اهوه يا عم بقينا زمايل في 3 حاجات
و ان شاء الله نزور بعض على طول
والله يا دوماليس انت عندك حق في كل كلمة بتقلها
بس طول مافي ناس بتنهب و تسرق في بلدنا يبقى عمرنا ماهنستفيد من اي خير لينا
هيا سلسله متصله
الناس ليه عندها الجشع دا مع الزوار ماهو من الحاله الاجتماعيه و الماديه الي بقوا فيها
فكل واحد عايز ينهب و ياخد على قد ما يقدر عشان يامن مستابله و مستأبل اولاده
مهما كانت الطريقه
و طبعا دا بيسيء لينا و لسمعة بلدنا
عندك دبي , خلقوا من لاشيء شيء باهر كل الناس بقت مابتروحش تعمل سياحه الا هناك
الموضوع كبير قوي . الي يخلي التعليم و الصحه و الحقوق و غيرهم مش مظبوط , يخلي السياحه برده مش مظبوطه
تحياتي
موضوع ممتاز
Happy new year!
المشكلة ان الحكومة بتتعامل مع اثارنا و تاريخنا كانهم بتوع الاجانب و كاننا احنا الاجانب
و ده بيخلينا مش حاسين بقيمتها...ماهي مش بتاعتنا
و طبعا طالما ولاد البلد مش حاسين بقيمة تاريخهم اكيد الاغراب صعب يسمعوا عنه
يعني مثلا واحد صاحبي مرة راح الهرم في العيد ما رضيوش يدخلوه و قالوله الدخول بالباسبور للاجانب بس
مصريين ممنوع
rosa
شكراً شكراً جزيلاً يا روزا على رايك الجميل
اللي بيديني دفعه دايماً
و ان شاء الله الفترة الجايه تبقى احلى
و ان شاء الله تتوفقي في الامتحانات
zoe
thank u mss natali
see u soon
مدونة ايام و بنعيشها
صحيح الاجانب ليهم امتيازات مش عندنا
كفاية المعاملة
سلام عليكم
طبعا انت بتتكلم في حاجة المفروض اختصاصي بما اني طالبة في نهائي اثار
المهم
انا فيي اسئلة محيراني اكتر منك
بجد وهموت منها
انت تروح اي دول اوربي
لو عندهم
طوبة بقالها ميت اومتنين سنة
بيهدو الدنيا
ويحطوها
في ازاز ويعملولها متحف مخصوص
ويعملو ماركتنيج عليها فظيع
اللي هو بيستغلو الامكانيات اللي عندهم باااقل اثر ممكن يلاقو
تلاقي
في مصر
الهرم جنبة كوم زبالة
ابو الهول هيقع
عمود السواري هتجن منة بجد
البوابة بتاعتة عبارة عن باب
اسود ضلفة واحدة فقط
وتدخل بجنبك
يعني لازم علشان تعدي منة تدخل كانك بتعدي بين عربيتين مزنقين في بعض
تخيل
كم السياح اللي بيجو
هنا
وبيدخلو ازاي
بدل ما يدخلو طابور صفين
بيدخل واحد ولو تخين شوية مش هيعرف يعدي
يبقي صحابة يصورولة وهو يبقي يشوف الصور
حاجة تحزن
دة لو حد عندة الموضوع دة في اي بلد
كانو عاملو محمية طبيعية
لا دة جنبة عماير زبالة ومنطقة فظيعة
طب لية الاهمال دة
في ناس كتير مش زي ما انت متخيل مهتمة بالاثار
بس المشكلة
ان فين المقابل
يعني لية ميعملوش جمعية لحماية الاثار وتتطويرها
وهي هتجبلنا الي هيتصرف علي التتطوير دة ستميت مرة
يعني ازاي يبقي عندنا كل الكم دة وفاقدين التقدم
مثلا بلد زي الاقصر واسوانن وغيرها
من البلاد الغنية بالاثار
عمرك ما تلاقي اهتمام بالسائح اللي ليل نهار في البلد
يعني لية ميوفروش حمامات عامة مبنية علي احدث الطرز لية ميعملوش اماكن يقعدو فيها من تعب الشمس
لية ميعملش تنضيف للصحراء والارض اللي كلها تراب جنب اي اثر لية ميبقاش فية زرع فية اهتمام امكان تقعد فيها كل دة بدل ما هيطفش الناس هيجبها
طبعا انا طولت بس اصلا انا مخنوقة من الموضع ولا ميت كومنت هيكفيني
ارجو تتحملني
يلا سلام
my hop$
اولاً شكراً جزيلاً على ردك الجميل
و اللي فعلاً طرح قدامي تساؤلات تانيه
و فعلاً الاهتمام هنا بالاثار بقى حاجه وحشة جداً
فوق كده و كده
ان احنا مش محافظين عليها اساساً
و يا ريت زاهي حواس ده ياخد باله منها شوية
و فعلاً لازم يبقى في جمعية للمحافظه على الاثار
و كل اللي انتي بتقولي عليه
من مرفقات لتجميل و تظيف مناطق
بجد بلدنا عايزة تغييرات كتييييييير
و مش هنحس بالنعمة غير لما تزول
و شكراً على ردك الجميل
موضوعك جميل بجد
وعرضه حلو وبصورة حلوة
كل ده جميل
بس نتكلم بواقعية شوية ..هانستفيد ايه ؟؟؟
هانستفيد ايه من الكلام فى الموضوع ده ...واحنا مش بإيدينا القرار اصلا
!!!
هاتقولى لازم نكون مواطنين بحق وحقيقى ومش مجرد حاملين للجنسية ولازم نغير من وضع بلادنا
هاقولك ان احنا المصريين مش فالحين فى حاجة غير فى الكلام وبس ...يااااااااااسلام علينا فى الكلام ...حاجة كدة لو حطونا فى مناظرة قدام اى حد هانغلبه بكفاءة
بس تعالى بقى على التنفيذ والفعل
هاتلاقينا بنتراجع ..وبنهرب من تحمل المسئولية ومن مجرد ابداء الرأى
بلدنا حلوة وخيرها كتير بس احنا اللى بنفسدها بنفسنا ...وغير كدة كل الاّثار اللى عندنا والطرق المتبعة فى جذب السياح محتاجة لجذب من نوع اخر ..نوع احنا ما اتعلمناهوش
مش عارفة ..بس كل واحد يعمل اللى عليه ...والباقى نسيبه على ربنا
ده اللى توصلتله
!!
:S
تحياتى
:)
والله كلامك كويس
وحاجة بشعة جدا لان الناس هنا بيستغلوا السياح اسوأ استغلال
بس والله مرة سمعت برنامج توعية للسياح بيقولهم لما تيجوا تشتروا حاجة بالذات في مصر زي تحف او حاجات من دي فاصلوا لحد نص السعر
طبعا مش كل الناس بتعمل كدة
بس علي رايك الراجل اتحط برضو في موقف وحش اوي ومن غير اختيارات مزنق يعني
بس فعلا ازاي يرجعوا لنا تاني
غير كدة انهم هينقلوا الصورة الوحشة دي عن مصر وبالتالي احنا كدة بقلل السياحة مش بنشجعها
معلش انا يقالي كتير مش دخلت بسبب الامتحانات والله
يمكن لانى دارس تاريخ مش هاتاثر بكثرة الاثار
لكن المهم هو الحاضر مش الماضى
السلام عليكم
يا بنى حتقول لمين ولا لميين
المشكلة تتلحص في كلمتين
سرقة + استغلال
عارفة ان ثقافة شعب عشان تتغير عايزة وقت
بس احنا نبدأ
سلاماتي
مدونة لذيذة
و بجد موضوع يغيظ و خصوصا اللى مرديش ينزلو من على الجمل دة !
دى اول زياره ليا و إن شاء الله مش الأخيرة
miss you... it's been a while since you've written anything.
ايه يابني مختفي بقالك فترة كبيرة
لعل المانع خير
مش هنشوف بوستات جديدة؟؟؟
oceaneyes
شكراً لابداء رايك في الموضوع
و صح بجد احنا اجدع الناس في الكلام
و فعلاً التنفيذ مفيش
بس ربنا يسهلنا و نتحرك شوية
و انا مبسوط لانك قلتي رايك بصراحه
و شكراً ليكي مرة تانيه
shirry
كلنا بعدنا بسبب الامتحانات
و انت تتاخري زي ما انتي عايزة
البيت بيتك
و فعلاً كلامك صح و متفقه معايا في حاجات كتير
و ان شاء الله زاهي ياخد باله
و شكراً لرايك
good man
شكراً لابداء رايك
و فعلاً الحاضر المهم
مش قادرة
اهلاً
اهلاً
ازيك يا جميل
انتي فين يا بنتي
صح و الله انتي كلامك صح
و يا رب الناس تعدل من نفسهم
yuki
شكراً على رايك الجميل
و على انك اتغاظتي معايا
هههههههه
و ان شاء الله تزوريني كتير و هزورك طبعاً
و نورتي مصر
zoe
thank u 4 ask about me
meet u soon
فييييييييييين جديييييييييييدك :D
ايه يا دكتور ؟؟؟
مش ناوى تكتب بوست جديد ولا ايه ؟؟؟
ما تتأخرش علينا
مستنية البوست الجديد
تحياتى
:)
البلد فيها فلوس بس طبعا انتم عارفين مين اللي بيسرقنا
حسبي الله ونعم الوكيل
احنا في الاخر هنبقي زي فلسطين
هفضلو يبيعو يبعيو
وسيبونا ندافع عن البلد ونموت نفسينا
تحياتي
رودي
بنوته مصريه اهلاً بيكي اول مرة
و شكراً لابداء رايك الجميل
bongo
الجديد في السكة
انا اول مرة امر على مدونتك بس واضح انها مستفزة
مش اصدى انها وحشه
بس مستفزة يعنى بالمعنى المطلوب
ثانيا ليا تعليق واحد بس
ممكن تكبر خط المقالات عشان الله يكرمك عينى اتمأأت عبال لما قريت
ثالثا و دة الاهم
مهو دة يا عم الحج الشعب المصرى
لازم ستغل كل الفرص لمصلحته الشخصيه فقط لا غير
كل واحد فى حاله
و لا حد ليه دعوه بمصلحه بلد او وطن او مبدأ
كله بيقول يلا نفسى
و لا حد يقدر الحاجات و اللى عندنا
و اد ايه احنا كبار
و فوق الكل
بس احنا دلوقتى تحت الكل
بسبب ناسنا
حسبى الله و نعم الوكيل
و دمتـــــــــــــــــــــــم
Post a Comment