بابا ماما انا جالي جواب الترشيح كلية الصيدلة
الف مبروك يا دومي و يا رب تتوفق فيها , مبروك
شذى , عبود , تعالوا تعالوا
اسمعوا و عوا انا هبقى دوكتور
يعني هتدي حقن يا دومي ؟
كله يا شذى طبعاً انتي معايا في التجارب بس عدي الاول من اولى ابتدائي
الو ايوا يا رامي انا جاي مصر يا مان و هعيش ايامي بقى طبعاً دايس معايا
طبعاً يا دومي انت بتتكلم في ايه
ياه اخيراً هعيش عيشة الحرية
و اعمل اللي في مزاجي و محدش معايا يراقبني
اخيراً كبرت و بقيت حاجه
هههههههههههههههههههههههههه
كل ده قبل ما اجي مصر
و الان انا في مصر , و يا ريت الزمن يرجع
ياه حياتي هي قلق قلق قلق
مش عارف بكرة هلبس ايه و لا هتغدى ايه و لا حتى هصحى للكلية ازاي
بكلم بابا و ماما ساعه من 27 ساعه , و اخواتي نادراً لما اسمع صوتهم
معظم المكالمة يطمنوا عليا و اجراءات اعملها
اهلي في اسكندرية انا بسمع صوتهم كل شهر مرة
و حايس و دايس في كلية انا معرفش حد فيها
تخيلت في الوقت ده لما الحيوانات تسيب اولادها تعتمد على نفسها
حاجه صعبه بجد
يا جماعه الام و الاب و الاسرة عامةً حاجه روووووووووووعه
و الله يوم ما هتفرح بالحرية
يوم و التاني و بعد كده باي باي
عامله زي لما تجيب الكمبيوتر جديد , تقول انا مش هسيبه خااااالص
و بعد اسبوع او شهر او حتى سنه
تبقى مش طايق تفتحه
فعلاً الحمد لله على كل شيئ
و محدش يتكبر على نعمة ربنا و الا سوف تزول منه
معلش دوشتكم بموضوع شخصي شويه
بس الفضفضه مع الناس احسن من الكتمان مع النفس
و شكراً
22 comments:
Please, my friend!
Send an email to the Brazil embassj in your country and report the injustice that the brazilian courts are making with this girl.
thank you
which girl mr.santos ??
عارف يادومي انا رحت مرة علشان احول لجامعة عين شمس اول ما باب التحويلات فتح السنة اللي فاتت و اول ما باب التحويلا فتح واول ما وصلت هناك حسيت ان ماما وحشتني اوي وقولت والله مش محولة عرفت قيمة ماما من ساعتها
حلو البوست دا يا دكتور
وابقي زورني
shirry
شكراً على مشاركتك القيمة
و يا رب تستمر
و يا رب يخليلك ماما علشان تدعيلك بالصحه
و تيجي تزوريني طبعاً
ألف مبروك يا دوك
لأ ولا يهمك دوس براحتك في الكلام إحنا إخوات
وزي م إنت هنا بتتكلم عن العذاب اللي إنت شايفه وربنا يستر وأنا مروحش أشوف عذاب من نوع تاني
مع أطيب تمنياتي بالنجاح
تحياتي
اولا مبروك
عل الكلية
ثانيا بكرة تتعود
واهية فترة وهتعدي
ويمكن تخليك تعتمد علي نفسك اكتر
وكمان قدر الله وماشاء فعلا وعسي ان تكرهو شئ ويجعل الله فية خيرا
وربنا يهون عليك غربتك
طبعا انا عارفة بما اني اسكندراينة فا مش بنقدر نستحمل نبعد عنها كتير
بس للضرورة احكام
هو انت في مصر ولا اسيوط
عايزة اقولك بس المهم تشد حيلك وتجيب تقديرات مش تبقي غربة وكمان مش بتذاكر
شيد حيلك يابطل وربنا ينجحك ويديك علي اد نيتك يلا بقي دعيت وخلاص
شكرا علي زيارتك ليا ويارب تتكرر
وربنا معاك
سلام
مني
الاستاذ
اهلاً بيك و سهلاً بيك
يا مان ان شاء الله مفيش عذاب و لا حاجه
ربك و ما يريد
بس في حاجه
دي تاني سنه ليا في اسيوط
مش اول سنه
انا في اولى صيدله يا مان بس الموضوع وصل اخره معايا دلوقتي
و شكراً على تعليقك
و يا رب تزورني على طوووووووووووول
My Hope$
الله يبارك فيكي
بس و الله انا في تاني سنه في اسيوط
بس بابا و ماما و كلهم بره مصر اساساً
و بالنسبه لاسكندريه
هي اجمل و اروع محافظه في مصر بجد
رغم اني كنت بروح الصيف بس
علشان كنت بادرس بره
و ربنا يسهل ليكي انتي كمان في حياتك
و اتمنى انك تزوريني باستمرار
و شكراً ليكي
عزيزي دومي
بوست رائع وموضوع اروع
اشكرك لزيارتي في مدونتي
ادا نحن علر موعد في العاشر من نوفمبر
انا في شوق لارى ما تكتبه ويكتب الجميع في دلك اليوم
تحياتي
صديقك
نور
noorgay
اهلاً بك هنا مجدداُ
و شكراً لرايك
و ان شاء الله
معاك يوم 10
أنا عارفة قد ايه الحكاية دي صعبة ..ليا صاحباتي..في المدينة الجامعية هنا..بيحكوا لى قد ايه الغربة فعلا صعبة
لكن دي ضريبة العلم
والعلم لا يكيل بالبتنجان
ربنا معاك..ويوفقك ان شاء الله
ربنا يصبرك لان الغربة صعبه ... ويردك ليهم ناجحا متفوقاً يارب...
لك خالص التحية والود
dr.roufy
شكراً على مشاركتك الجميلة
و يا ريت تساعدي صحباتك في غربتهن
و الله المستعان
و عيدي زيارتك يا دكتور
osama
شكراً على مرورك الجمييل
( بس تعاطفك لوحده مو كفاية )
دومي العزيز
الخير فيماأختاره الله ، و عسى أن تكرهوا شيئا و هو خير لكم. على فكرة الإقامة في أسيوط ليست بهذا السوء فقد سبقتك و أقمت فيها طوال دراستي في الجامعة و على فكرة أنا أسكندارانيه مثلك , أقول لك أنك ما كنتش هتستريح في جامعة الإسكندرية حيث نسبة النجاح متدنية و الكوسه على عينك يا تاجر
جامعة أسيوط فيها ناس تعرف ربنا
tamtam315
شكراً ليكي
بس انا شفت دكاترة اعوذ بالله
و كمان في دكتورة من اسكندرية معقداني
بس كلامك صح اليكس فيها بلاوي اكتر
و بما انك بنت و عيشتيها كويس
فان شاء الله اتمها على خير
بس دعواتك معانا
و زياراتك كمان
و شكرا|ً ليكي
السلام عليكم
دلوقتي بقى
مفيش ادامك
غير انك تستمتع بكل لحظة
بمعنى اصح تعيش كل لحظة
بعد ما تتخرج حتلاقي عندك مخزون اعتماد وثقة بالنفس رهيب
ده مجرد تجربة
لانك مش حتقعد مع بابا وماما وشذى وعبود للأبد
وبعدين عشان تتعود انك تساعد في البيت
والله اجمل ايام
وحتتمنى رجوعها لما تكبر
اوعى ماتعيشهاش احسن تندم
واوعى كمان تكون مستاء
سلاماتي
هو أنا ماعنديش حاجة أقولها
غير إني أدعيلك ربنا يوفقك و يصبرك
أنا عمري ما جربت الموضوع ده
و مش عايزة أجربه
الانسة المبجلة مش قادرة
مش قادرة اصدق عنيا
فعلاً كلامك صح بس الواقع احياناً بيبقى صعب شوية
و على العموم ربنا يسهل
و يا ريت اشوف تعليقاتك الجميلة دي على طول يا مش قادرة هانم
و شكراً لكي
مدونة تحت العشرين
شكراً على شعورك الجميل
و ربنا يسمع منك
و يا ريت تزوريني دايماً
و كمان تبعدي عن السياسة
انا مش ناقص خااااااااااااااالص
اخيرا كبرت وبقيت حاجة
لفتت نظري الكلمة ديه وخلتني اتساءل هو امتي الانسان بيبقي حاجة
يادكتور لما تتخرج بتفوق ان شاء الله هتبقي حاجة كبيرة قوي ان مكنتش في نظر كل الناس هتكون كبير في نظر اغلي الناس
اهلك
بالتوفيق دايما يارب
بنت الاسلام
شكراً ليكي على اول تعليق ليكي
و اتمنى ان تعليقاتك الجميلة تتكرر
و شكراً
Post a Comment